هام بخصوص النت عبدالله شبل

اخوانى مافيش خدمه كامله مئه فى المئه وانا اجتهد قدر المستطاع
اذا كان فيه اى مشترك متضايق منى
ارحب باقتراحه

اما بخصوص اوامر البنج

احنا عندنا
امران لنتاكد منهم من وجود الخدمه

الامر الاول انى ابنج على الروتر
للتاكد من سلامه الخط
وهوة كاالتالى

ping -t 100.1.0.1

دا لم ابنج عليه اتاكدمن سلامه الوصلات والخط
والامر التانى بخصوص النت الوارد من شركه النت
وهوة كاالتالى
واوامر البنج دى ممكن احطها فى رن ثم اوكيه
او من كللك يمين على سطح المكتب
فى مكان فاضى واقف على كلمه نيو
هينسدل منها اختيارات منها اختيار
اسمه شورت كت كللك شمال عليه
وانسخ فيه هذا الامر ثم نكست ثم فنش

ping -t 163.121.128.134

دا كل ماكان التايم بتاعه عدد بسيط
كل ماقدرنا نحكم على جوده النت
يعنى لم يكون رقمين يكون افضل
ولوكان ثلاث ارقام
فده الوضع الطبيعى
لو اربعه بيكون النت بطىء
ممكن يكون من الشركه او ضغط
مشتركين
وامعانا فى الحكم بعمل البنج على موقع من المواقع
لان ممكن البنج يقطع بحكم الكنترول
لكن التصفح طبيعى
بعمل بنج على موقع زى الياهو
ping -t yahoo.com
واشوف هيقطع معايه ولا لاء
وكده انا اقدر احكم على الوضع
بس احنا هنا شغالين على خط 2 ميجا
الخط الاتنين ميجا يتحمل الى 80 مشترك
على اساس انهم مبيفتحوش فى وقت واحد مع بعض
ويتحمل الخط الاتنين ميجا 50 مشترك اون لاين
شغالين مع بعض
احنا مبنوصلش للعد ده
اقصى عدد من المشتركين بيكون اون لاين
يعنى شغالين مع بعض
اقصاهم 30 مشترك او 35 مشترك
لكن احيانا بيكون النت سىء
ده بيكون راجع الى بعض الكمبيوترات المفيرسه
او اللى تعانى من مشاكل بالهارد وير بتاعها
يعنى كارت الان بتاعها اللى هوة كارت النت
بيكون مش كويس
او فيه مشاكل
وكل مشترك متحددله سرعه تصفح وسرعه ودون لود
سرعه التصفح لكل المشتركين 256
سرعه الدون لود للمشتركين بتتفاوت
مابين 200 الى 256
اى مشترك بيعمل دون لودويتصفح ويعمل شات
كل ده بيعمله من سرعته هوة
حته هوة هيلاقى البنج بيقطع معاه حسب استهلاكه من سرعته

برجاء كل مشترك يظبط جهازه وينضفه من الفيروسات

وانشاء الله جارى تحسين الاوضاع وتزويد
الخط الاتنين ميجا بخط اخر احتياطى
واتمنى لو فيه اى مشترك عنده اى اقتراح او تعليق
انا ارحب به
وانا مش باعتبركم مشتركين انا بعتبركم اصحاب شبكه وانا شغال عندكم
واتمنى اكون عند حسن ظنكم
وفقنى الله واياكم الى مافيه الخير واحسته

__________________

**********************